EDITORIAL: Լոնտոնահայութիւնը Նշեց Մայիս 28-ի 95 Ամեակը

Կիրակի 26 Մայիս 2013-ին Լոնտոնեան անձրեւոտ ու պաղ եղանակին փոխարէն՝ օթը պայծառ էր, երկինքը կապոյտ, արեւը շողշողուն: Մայիս 28ի փառապանծ յաղթանակը տօնելու համար Լոնտոնահայութիւնը հաւաքուած էր բացօթեայ պարտէզ մը: Մեծ ու փոքր, երիտասարդ ու պատանի ազգային ու հայաշունգ երտերու ունկնդրութեամբ յիշատակելի օր մը կ’անցնէին:

Լոնտոնի «Նաւարադեան» սրահի յանձնախումբին կողմէ կազմակերպուած սոյն պարտէզագնացութիւնը առիթ էր՝ Մայիս 28-ի ոգեշնչող պատգամները լսելու, ազգային պատկանելիութիւնը վերանորոգելու ու դէպի ապագայ նորանոր յաղթանակներու ձգտելու: Այս առթիւ, օրուայ խորհուրդը փոխանցելու համար, ելոյթ ունեցաւ իրաւաբան ընկ. Գէորգ Յակոբճեանը: Ան իր նախաբանին մէջ վեր առաւ Մայիս 28-ի անկախութեան ու յաղթանակին իմաստն ու կարեւորութիւնը հայ ժողովուրդին համար: Նկարագրեց թէ ինչպէս Հայ ժողովուրդը շնորհիւ իր խիզախութեան, միասնակամութեան, անասելի զոհողութիւններուն վերջ դրաւ աւելի քան վեց հարիւր տարուայ անիշխանութեան ու կերտեց Հայոց առաջին անկախ հանրապետութիւնը: Ան Մայիս 28-ի 95 ամեակի մարտահրաւէրներն ու խորհուրդը ամփոփեց երեք կետերու մէջ՝

Ա- Միասնակամութեան անհրաժեշտութիւնը յանուն հայ ժողովուրդի նպատակներու իրականացման: Հայաստանի Արցախի ու համայն սփիւռքի ուժերու համախմբումն ու գերլառումը Հայոց Ցեղասպանութեան 100 ամեակին ընդառաջ:

Բ-Գործոն մասնակցութիւն՝ Հայաստանի ներկայ Հանրապետութեան պետականաշինութեան, ժողովրդավարական ամուռ կարգերու հաստատման, ընկերային արդարութեան ապահովման ու հզօր բանակի պահպանման:

Գ- Արեւմուտքի օտար ափերուն մէջ Հայօրէն ապրելու, հայօրէն գործելու ու գոյատեւելու հրամայականը: Ընկ. Յակոբճեան իր խօսքը աւարտեց հորթորելով ներկաները միշտ յուսադիր մնալու հայկական գերխնդիրներուն նկատմամբ, որովհետեւ Ցեղասպանութեան վէրքերը տակաւին չամոքած անկախութիւն կերտող ժողովուրդը՝ վստահաբար պիտի իրականացնէ հայութեան մեծ երազը՝ Ազատ Անկախ ու Միացեալ Հայաստանի կերտումը:

Մայիս 28-ի 95 ամեակի ոգեկոչման նուիրած միօրեայ պարտիզագնացութիւնը վերջ գտաւ բարձր տրամադրութեամբ, Անկախութիւնը կերտող Մանուկեաններու, Դրոներու, Նժդեհներու եւ այլ հերոսներու յիշատակը անմահացնելով ու Սարդարապատէն եկած մարտահրաւէրները դիմագրաւելու պատրաստակամութեամբ:

Երիտասարդ թերթի հանձնախումբ

  • Facebook

  • Our Monthly Newsletter

    Yeritasard Newsletter

  • Mailing List

  • Donate

  • —————————————————————-

    Get involved - click here